11 декабрь көнне Казанның «Локомотив» стадионында шугалак ачыла

Фото: Денис Гордийко

(Казан шәһәре KZN.RU, 10-нчы декабрь). 11-нче декабрь көнне Казанның Юдино бистәсендәге «Локомотив» стадионында (Футбол урамы, 1)  шугалак ачыла.

Массакүләм шуулар бу көнне 11:00 сәгатьтә башлана. Үз тимераякларың белән килергә яки аларны урында прокат пунктында алырга мөмкин, дип хәбәр итә Киров һәм Мәскәү районнары администрациясендә.

Алга таба массакүләм шуулар түбәндәге график буенча оештырылачак: җомга көнне – 17:00 сәгатьтән 21:00 сәгатькә кадәр, шимбә һәм якшәмбе көннәрендә – 11:00 сәгатьтән 21:00 сәгатькә кадәр. Барлык үзгәрешләр турында Instagramда «Локомотив» стадионы битендә хәбәр ителәчәк.

Шугалакка килүчеләрнең QR-кодлары булырга тиеш.